Video : ...टिकली, नथ अन् साडी नेसलेल्या सुधा मूर्ती भिडे गुरुजींच्या पाया पडल्या!

सुधा मूर्ती यांनी कोल्हापुरातल्या आपल्या जुन्या घरी भेट दिली आहे.
 Sudha Murty
Sudha MurtySakal

सुधा मूर्ती यांनी कोल्हापूरमध्ये आपल्या जुन्या घरी भेट दिली. त्यावेळी त्यांनी शिवप्रतिष्ठान हिंदुस्थानचे संभाजी भिडे यांची भेट घेतली आणि त्यांच्या पायाही पडल्या. याचा व्हिडीओ सध्या सोशल मीडियावर व्हायरल होत आहे. संभाजी भिडे नुकतेच टिकलीसंदर्भातल्या वादामुळे चर्चेत आले आहेत.

इन्फोसिसच्या प्रमुख सुधा मूर्ती काल सांगलीमध्ये होत्या. तिथे एका कार्यक्रमामध्ये त्यांना शिवप्रतिष्ठान हिंदुस्थानचे संभाजी भिडे भेटले. त्यावेळी या दोघांमध्ये चार ते पाच मिनिटं चर्चाही झाली. त्यानंतर सुधा मूर्ती संभाजी भिडेंच्या पाया पडल्या. त्यामुळे आता सोशल मीडियावर याची चर्चा सुरू आहे. यावेळी सुधा मूर्ती मराठमोळ्या पेहरावात दिसल्या. त्यांनी साडी, नथ, तसंच केसांत गजराही माळला होता.

सुधा मूर्ती यांनी कुरुंदवाड इथल्या आपल्या जुन्या घरी भेट दिली. त्यानंतर आपण स्वतःला इथली कन्या मानत असून इथे आल्यावर मला सगळे आपलेसे वाटतात, अशी मनमोकळी प्रतिक्रियाही दिली. दरम्यान, संभाजी भिडे गेल्या काही दिवसांपासून वादात आहे. आधी कुंकू लाव, मग तुझ्याशी बोलेन, असं उत्तर त्यांनी साम टीव्हीच्या महिला प्रतिनिधीला दिलं. त्यानंतर त्यांना महिला आयोगाने कारवाईची नोटीसही पाठवली आहे. हा वाद अजूनही ताजाच आहे. त्यामुळे सोशल मीडियावर काही युजर्सकडून सुधा मूर्ती यांच्यावर टीकाही होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com