पश्‍चिम महाराष्ट्रात अजितदादांना बसणार धक्का? 'हा' माजी खासदार भाजपच्या वाटेवर, कार्यक्रमातील उपस्थितीनं वेधलं सर्वांचं लक्ष

कोल्हापूर : सांगली लोकसभा मतदारसंघातून (Sangli Lok Sabha Constituency) भाजपच्या तिकिटावर दोनवेळा खासदार झालेले व विधानसभेच्या तोंडावर राष्ट्रवादी अजित पवार पक्षात प्रवेश करून तासगावची विधानसभा निवडणूक (Tasgaon Assembly Election) लढवलेले माजी खासदार संजय पाटील (Sanjay Patil) पुन्हा भाजपच्या वाटेवर आहेत. (ता. १६) कोल्हापुरात भाजपचे मंत्री चंद्रशेखर बावनकुळे (Chandrashekhar Bawankule) यांच्या उपस्थितीत झालेल्या पश्‍चिम महाराष्ट्र संघटन पर्व कार्यक्रमास पाटील यांनी थेट व्यासपीठावर हजेरी लावून हे संकेत दिले आहेत.