घरकुलांचा प्रस्ताव शासनाकडे पाठवा : रजपूते

घरकुलांचा प्रस्ताव शासनाकडे पाठवा : रजपूते

इचलकरंजी : पालिकेत २५ वर्षे सेवा बजावलेल्या चतुर्थ श्रेणी सफाई कर्मचाऱ्यांना डॉ. बाबासाहेब आंबेडकर श्रमसाफल्य योजने अंतर्गत मोफत घरे देण्यात येणार आहेत. याबाबतचा अंतिम मंजुरीसाठी प्रस्ताव शासनाकडे पाठवण्याची मागणी माजी उपनगराध्यक्ष रवी रजपूते यांनी मुख्याधिकारी प्रदीप ठेंगल यांच्याकडे निवेदनाद्वारे केली आहे. दरम्यान, यासंदर्भात सकारात्मक हालचाली न झाल्यास जिल्हाधिकाऱ्यांची भेट घेऊन याबाबतचा पाठपुरावा करणार असल्याचे श्री. रजपूते यांनी सांगितले.