‘लायन्स’तर्फे चैतन्य अपंगमती विकास विद्यालयाला मदत | Sakal
sakal

बोलून बातमी शोधा

‘लायन्स’तर्फे चैतन्य अपंगमती विकास विद्यालयाला मदत
‘लायन्स’तर्फे चैतन्य अपंगमती विकास विद्यालयाला मदत

‘लायन्स’तर्फे चैतन्य अपंगमती विकास विद्यालयाला मदत

sakal_logo
By

13771
भडगाव : लायन्स क्लबतर्फे चैतन्य अपंगमती विद्यालयाला चादरी भेट देण्यात आल्या. याप्रसंगी गौरव देशपांडे, प्रसाद सभासद, साताप्पा कांबळे आदी.

‘लायन्स’तर्फे ‘चैतन्य’ मदत
गडहिंग्लज : येथील लायन्स क्लबतर्फे चैतन्य अपंगमती विकास विद्यालयातील मतिमंद मुलांना दिड डझन चादरी भेट देण्यात आल्या. विविध समाजोपयोगी उपक्रम राबविण्यात लायन्स क्लब नेहमीच अग्रेसर असते. मतिमंद शाळेची गरज लक्षात घेऊन चादरीच्या रूपाने प्रेमाचे पांघरून दिल्याचे लायन्स क्लबचे अध्यक्ष गौरव देशपांडे यांनी स्पष्ट केले. चैतन्यचे संस्थापक साताप्पा कांबळे यांनी स्वागत केले. लायन्स क्लबचे उपाध्यक्ष प्रसाद सभासद, सचिव सूरज तोरगल्ली, खजिनदार विनायक गळतगी, अशोक देशपांडे, आर. जी. पाटील, गुरुराज हत्ती, गजानन शिवणे, श्री. हरळीकर यांच्यासह शिक्षक, शिक्षकेत्तर कर्मचारी, विद्यार्थी, पालक उपस्थित होते. सुरेश दास यांनी सूत्रसंचालन केले. प्रभारी मुख्याध्यापिका अरुणा कांबळे यांनी आभार मानले.
------------
‘निओरा’ महाविद्यालयात कार्यशाळा
गडहिंग्लज : येथील निओरा कला, वाणिज्य महिला महाविद्यालयात अग्रणी महाविद्यालय अंतर्गत एकदिवसीय कार्यशाळा झाली. बदलत्या काळातील बदलत्या व्यक्तीमत्वात योगाचे महत्त्व हा कार्यशाळेचा विषय होता. डॉ. विवेक पाटणे अध्यक्षस्थानी होते. पहिल्या सत्रात डॉ. सदाशिव भोसले यांनी योगाचे महत्व पटवून दिले. तर दुसऱ्या सत्रात प्रा. अनुराधा गोटखिंडे यांनी आष्टांग मार्ग व योगसाधनेतून व्यक्तिमत्व घडविण्याचा सल्ला दिला. स्वप्निल आर्दाळकर यांनी प्रास्ताविक केले. संस्थेच्या सचिव अनुराधा पाटणे, कार्यवाह गायत्री पाटणे यांच्यासह प्राध्यापक, विद्यार्थी उपस्थित होते. प्रा. क्रांती शिवणे यांनी सूत्रसंचालन केले. प्रा. सरिता मुचंडी यांनी आभार मानले. समन्वयक प्रा. सुहास शिंदे यांनी कार्यशाळेचे नियोजन केले.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top