Gag113_txt.txt

14271
कोदे : तहसीलदार डॉ. संगमेश कोडे, सहायक पोलिस निरीक्षक रणजित पाटील, व खेळाडू.

गगनबावडा प्रीमियर लीग
स्पर्धेत कोदे संघाला विजेतेपद

गगनबावडा, ता. १२ ः गगनबावडा प्रीमियर लीग आयोजित '' गगनबावडा प्रीमियर लीग ‘२०२२‘ टेनिस बॉल क्रिकेट स्पर्धेत कोदे येथील क्रिकेट संघाने विजेतेपद पटकावले. तर सांगशी येथील क्रिकेट संघाला उपविजेतेपदावर समाधान मानावे लागले.
या स्पर्धा कोदे येथील मैदानावर झाल्या. तालुक्यातील ८ संघातून १५० स्पर्धेकांनी सहभाग नोंदवला. सांगशी संघाने सहा महिन्यापूर्वीच असळज येथील क्रिकेट स्पर्धेत चांगली कामगिरी करत विजेतेपद पटकावले होते. विजेत्या संघास ५१ हजार व चषक, तर उपविजेत्या संघास ३० हजार व चषक अशी बक्षिसे होती. मालिकावीर म्हणून आदिनाथ कोटकर,(साखरी संघ), उत्कृष्ट फलंदाज पांडुरंग महाडिक, (तिसंगी संघ,) उत्कृष्ट गोलंदाज अनिल पेजलेकर (सांगशी संघ). तर अटीतटीच्या अंतिम सामन्यात सुहास पांगळे (कोदे संघ) याने चमकदार कामगिरी करून विजेतेपदावर संघाचे नाव कोरले. बक्षीस समारंभ तहसीलदार डॉ. संगमेश कोडे, सहाय्यक पोलीस निरीक्षक रणजित पाटील यांच्या उपस्थित झाला.यावेळी राजेश पाटील, विलास पाटील, अभय कोटकर अनेक खेळाडू, व ग्रामस्थ उपस्थित होते.