लोकशाही बळकट करण्यासाठी शंभर टक्के मतदान करा - जिल्हाधिकारी अमोल येडगे

02094
लोकशाही बळकट करण्यासाठी
शंभर टक्के मतदान करा ः जिल्हाधिकारी

आंबा ता. २ ः नोकरीनिमित्त मुंबईत स्थलांतरित असलेल्या मतदारांना उपस्थित ठेवा. लोकशाही बळकट करण्यासाठी शंभर टक्के मतदान करा; असे आवाहन जिल्हाधिकारी अमोल येडगे यांनी केले. चाळणवाडी येथे मतदार बैठकीत ते बोलत होते.
पश्चिम भागातील तरूण वर्ग रोजगारासाठी पुण्या मुंबईत स्थलांतरित आहे. जागृती अभियानातून विद्यार्थ्यांनी आईबाबांना मतदान करण्यासाठी पत्रलेखनासारख्या राबविलेल्या उपक्रमाला प्रतिसाद मिळेल; असा आशावाद जिल्हा परिषदेचे मुख्य कार्यकारी अधिकारी एस. कार्तिकेयन यांनी व्यक्त केला. यावेळी प्रांताधिकारी समीर शिंगटे, उपमुख्य कार्यकारी अधिकारी अरुण जाधव, गटविकास अधिकारी मंगेश कुचेवार, तहसीलदार रामलिंग चव्हाण, गटशिक्षणाधिकारी विश्वास सुतार उपस्थित होते. दरम्यान यावेळी गत लोकसभा निवडणुकीत पन्नास टक्क्यांपेक्षा कमी मतदान झालेल्या गावांना भेटी देण्यात आल्या. आंबा, करूंगळे, गोगवे या गावांना भेटी देऊन जनजागृती करण्यात आली. यावेळी विस्तार अधिकारी ए. एस. कटारे, रवी कुंभार, ग्रामसेवक सुभाष पाटील, धीरज कांबळे, तलाठी प्रसाद मोहिते, राजेंद्र लाड, संदीप पाटील उपस्थित होते.