कुंभी धरणक्षेत्रातील पावसाने ओलांडला एक हजार मिलीमिटरचा टप्पा

कुंभी धरणक्षेत्रातील पावसाने ओलांडला एक हजार मिलीमिटरचा टप्पा

कुंभी धरणक्षेत्रातील पावसाने
ओलांडला एक हजार मिमीचा टप्पा

धरणात १ टीएमसी पाणीसाठा; कोदे धरण निम्मे भरले

असळज, ता.६ : जिल्ह्यात पावसाचा जोर कमी असला तरी पावसाच्या आगार असलेल्या गगनबावडा तालुक्यातील लखमापूर येथील कुंभी धरणक्षेत्रातील पर्जन्यमानाने एक हजार ‍मिलीमिटरचा टप्पा ओलांडला आहे. कुंभी धरणक्षेत्रात आतापर्यंत १००३ मिलीमिटर पावसाची नोंद झाली आहे. कुंभी मध्यम तर कोदे लघु प्रकल्पाच्या पाणीसाठ्यात हळूहळू वाढ होत आहे. कुंभी प्रकल्पात १ टीएमसी पाणीसाठा झाला आहे; तर कोदे लघुप्रकल्प ५० टक्के भरला आहे.
जूनचे पहिले तीन आठवडे कोरडे गेले. जूनच्या अखेरच्या आठवड्यात गगनबावड्यात पावसाला सुरुवात झाली. मात्र यातही सातत्य न राहता पावसाची उघडझाप होत राहिली. मात्र दोन आठवड्यात झालेल्या पावसाने तालुक्यातील धरणांच्या पाणीसाठ्यात हळूहळू वाढ होऊ लागली आहे. कुंभी धरण क्षमतेच्या ३९ टक्के भरले आहे. कोदे धरणक्षेत्रात ९४२ मिलीमिटर पावसाची नोंद झाली. तालुक्यात झालेल्या पावसामुळे तालुक्यात भात रोपलागणीला गती आली आहे. विद्युत मोटारीच्या सहाय्याने पाणी उपसा करुन बहुतांशी शेतक-यांनी रोपलागणी पूर्ण करत आणल्या आहेत. मात्र माळरानातील रोपलागणीसाठी अद्याप म्हणावे तसे पाणी नसल्याने त्या रोपलागणी खोळंबल्या आहेत.
दरम्यान आज गुरुवारी दिवसभर पावसाने तालुक्यात जोरदार हजेरी लावली. आज सकाळी संपलेल्या २४ तासांत कुंभी धरणक्षेत्रात ११५ मिमी तर कोदे धरणक्षेत्रात ९३ मिमी पावसाची नोंद झाली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com