किसरुळ प्राथमिक शाळेस उमेद फाउंडेशन तर्फे शैक्षणिक साहित्याचे वाटफ

02602

उमेद फाउंडेशन, उल्का उद्योगमार्फत शैक्षणिक साहित्य
बाजारभोगाव ः उमेद फौंडेशन आणि उल्का उद्योगसमूह यांच्या संयुक्त विद्यमाने किसरुळ प्राथमिक शाळेत गरजू विद्यार्थ्यांना शैक्षणिक साहित्याचे वाटप झाले. बाजारभोगाव, काळजवडे परिसरातील ८४ विद्यार्थ्यांना शैक्षणिक साहित्य वाटप झाले. उमेद फौंडेशन दरवर्षी जिल्ह्यातील ५०० विद्यार्थ्यांना शैक्षणिक साहित्य पुरवते. उच्च शिक्षणासाठी दरवर्षी ३ लाख शिष्यवृत्ती दिली जाते. दिवाळी फराळ, करिअर मार्गदर्शन, पथनाट्य, महिलांसाठी शिलाई प्रशिक्षण व रोजगाराची संधी, तसेच अनाथ व एक पालक असलेल्या विद्यार्थ्यांसाठी ‘उमेद मायेचं घर’ उपक्रमांतर्गत मोफत वसतिगृह व शैक्षणिक सुविधा पुरविल्या जातात. यावेळी मुख्याध्यापक मारुती पाटील, राजू खाडे, दिलीप वाळवेकर, नंदकिशोर घोगरे, मधुकर गोपनर, संतोष खटे उपस्थित होते.