रस्त्यांची पूले बनत आहेत कचरा फेकण्याचे अड्डे

रस्त्यांची पूले बनत आहेत कचरा फेकण्याचे अड्डे, ग्रामपंचायतीनी लक्ष देण्याची गरज

02295

बोरपाडळेत पुलांवर कचऱ्याची समस्या
बोरपाडळे : बोरपाडळे ते कोडोली नरसोबा ओढा, त्याअलीकडे वारणा कालव्यावरील ओढा, शहापूरचा कोरओढा, बोरपाडळे हॉटेल भागातील ओढे आदी ओढयांमध्ये पडणारा विबिध कचरा मोठी समस्या बनली आहे. दुर्गंधीबरोबर कच-याचा ढीग येथील भागात नक्कीच दृष्टीस पडतो. ग्रामपंचायतीने कचऱ्याचे व्यवस्थापन केलेले असूनही येथे चोरून कचरा टाकला जातो. कचरा काढून ब्रिटिशकालीन पुलांची स्वच्छता करायची कोणी, हा प्रश्न आहे. संबंधित विभागाबरोबर सामाजिक संघटना, तरुण मंडळे, सेवाभावी संस्थांनी पुढाकार घेण्याची गरज आहे. याबाबत शहापूरचे माजी सरपंच डॉ. कृष्णात पाटील म्हणाले, ‘रस्त्यालगत व ओढ्यांमध्ये पडणारा कचरा रस्त्यांचे सौंदर्यास बाधा आणणारा आहे. लोकांनी इथे कचरा न टाकता योग्य विल्हेवाट लावावी.’