आंबवडे येथे एस.टी. थांबत नसल्याने प्रवाशांची गैरसोय

आंबवडेत एस.टी. थांबत
नसल्याने प्रवाशांची गैरसोय
बोरपाडळे : कोल्हापूर ते रत्नागिरी मार्गावरील आंबवडे (ता. पन्हाळा) येथून कोल्हापूरकडे नोकरी, शिक्षण आणि इतर व्यवसायासाठी जाणाऱ्या प्रवाशांची संख्या खूप आहे. सकाळी कामावर वा शिक्षण व इतर कामासाठी जाणाऱ्या व संध्याकाळी परतणाऱ्या प्रवाशांना त्रास होत आहे. मलकापूर डेपोकडून येणाऱ्या गाड्या फुल्ल भरून येत असल्याने ताटकळत उभे राहावे लागते. यामध्ये शाळकरी मुले व महिलांसह ज्येष्ठ नागरिकांना त्रास होत असल्याचे माजी उपसरपंच भाऊसाहेब मोहिते यांनी सांगितले. कोल्हापूरहून परततानाही टाऊन हॉल, रेल्वे स्टेशन व मध्यवर्ती बसस्थानकात असाच त्रास प्रवाशांना होत असल्याचे अमोल मोरे यांनी सांगितले. एस.टी.प्रशासनाने दखल घेत गाड्यांच्या फेऱ्या वाढवाव्यात; अशी आंबवडेसह मिठारवाडी, नावली, देवाळे, पैजारवाडी येथील प्रवाशांची मागणी आहे. याबाबत मिठारवाडीतील बाबासाहेब जगताप म्हणाले, ‘ महाशिवरात्री यात्रेच्या तिसऱ्यादिवशी मी पत्नीसह पुण्याला जाण्यासाठी आंबवडे थांब्यावर आलो. सकाळी दहा ते साडेअकरापर्यंत तब्बल दीड तास उभे होतो. रस्त्यावरील धुळीने खूप त्रास झाला. एस.टी. लवकर न मिळाल्याने नाहक त्रास झाला. प्रशासनाने लक्ष घालावे.’
-