नरसिंगराव पाटील यांची हलकर्णी फाटा येथे जयंती

04080
हलकर्णी फाटा : माजी आमदार कै. नरसिंगराव पाटील यांच्या प्रतिमेला पुष्पहार घालताना आमदार राजेश पाटील, वीरेंद्र मंडलिक.
-------------------------
नरसिंगराव पाटील यांची
हलकर्णी फाटा येथे जयंती
सकाळ वृत्तसेवा
चंदगड, ता. २ : माजी आमदार कै. नरसिंगराव पाटील यांनी सर्वसामान्य जनतेला केंद्रबिंदू मानून राजकारण व समाजकारण केले. त्यांच्या विचारांचे पाईक होऊन वाटचाल करावी लागेल, असे मत आमदार राजेश पाटील यांनी व्यक्त केले. हलकर्णी फाटा (ता. चंदगड) येथे तुलसी बझारच्या सभागृहात कै. पाटील यांची ९० वी जयंती साजरी झाली. त्यावेळी ते बोलत होते. पोमाणी पाटील अध्यक्षस्थानी होते.
आमदार पाटील व वीरेंद्र मंडलिक यांच्या हस्ते कै. पाटील यांचे प्रतिमापूजन झाले. विरेंद्र मंडलिक म्हणाले, ‘माजी आमदार नरसिंगराव पाटील यांच्या कार्याची महती मोठी आहे. त्यांचे विचार कृतीतून पुढे नेणे हीच त्यांना खरी आदरांजली ठरेल.’ भीमराव चिमणे, भरमाण्णा गावडा यांनी मनोगत व्यक्त केले. परशराम पाटील, शिवानंद प्रसादे, भरमाना गावडा, तानाजी गडकरी, अभय देसाई आदी उपस्थित होते. जानबा चौगुले यांनी प्रास्ताविक केले.