बदललेल्या वातावरणामुळे रुग्णात वाढ

बदलत्या वातावरणाने
रुग्णसंख्या वाढली
धामोड : वातावरणात झालेल्या बदलाने ताप, सर्दी , खोकला व दमा आजाराने डोके वर काढले आहे. लहान बालके व ज्येष्ठ नागरिक यांचा रुग्णांमध्ये समावेश आहे. वातावरणात सकाळी गारवा दुपारी चटके देणारे ऊन या बदलाने आजारपणाच्या रुग्णसंख्येत वाढ झाली आहे. सध्या दुपारी उन्हाच्या तीव्र झळा तर सकाळी हवेत थंडी अशी परिस्थिती आहे. उन्हाची दाहकता वाढल्याने बदललेल्या वातावरणाचा बालकासह वयोवृद्ध नागरिकांनाही त्रास सहन करावा लागत आहे . सर्दी, खोकला, ताप व दमा यासारख्या आजाराने नागरिक त्रस्त आहे. येथील खासगी दवाखान्यात उपचार घेणाऱ्या रुग्णांची संख्याही वाढली आहे.