उचगाव येथे पाऊण लाखाची चोरी ; सोन्याचे दागिने लंपास

उचगावला ७५ हजाराची घरफोडी
गांधीनगर, ता. ८ : उचगाव (ता. करवीर) येथे बंद घराचे कुलूप उचकटून अज्ञात चोरट्याने घरातील ७५ हजार किमतीचे अडीच तोळ्याचे सोन्याचे दागिने पळविले. ही घटना रविवारी मध्यरात्री घडली. याबाबतची फिर्याद विष्णू दुधाप्पा चौगुले (रा. आंबेडकर चौक, उचगाव) यांनी गांधीनगर पोलिस ठाण्यात दिली.
याबाबतची पोलिसांतून मिळालेली अधिक माहिती अशी, विष्णू चौगुले हे आपल्या कुटुंबीयांसोबत परगावी गेले होते. या संधीचा फायदा घेत अज्ञात चोरट्याने बंद घराचे कडी कोयंडा उचकटून घरातील अडीच ग्रॅम सोन्याची चेन, १५ ग्रॅम सोन्याची मोहन माळ, चार ग्रॅम सोन्याचे टॉप, नग दोन असे एकूण ७५ हजारांचा मुद्देमाल पळविला. या चोरीची नोंद गांधीनगर पोलिस ठाण्यात झाली. पोलिस हेडकॉन्स्टेबल सचिन सावंत तपास करीत आहेत.
-