डीकेटीई आयटीआयच्या २३ विद्यार्थ्यांची निवड

डीकेटीई आयटीआयच्या २३ विद्यार्थ्यांची निवड
इचलकरंजी, ता. ८ : डीकेटीई संस्थेच्या पद्मभूषण डॉ. वसंतरावदादा पाटील आयटीआयच्या २३ प्रशिक्षणार्थ्यांची कॉस्टोमेक ग्लोबल कंपनी (चाकण, पुणे) व पाच प्रशिक्षणार्थ्यांची टाटा मोटर्स कंपनी (पुणे) या नामांकित कंपनीतमध्ये निवड झाली आहे.
विद्यार्थ्यांची झालेली निवड म्हणजे औद्योगिक प्रशिक्षणातील गुणवत्ता व दर्जा यांचा परिपाक आहे. दर्जेदार औद्योगिक प्रशिक्षणाबरोबरच उत्कृष्ट प्लेसमेंटची परंपरा आयटीआयने सुद्धा जपली असल्याचे मनोगत संस्थेच्या मानद सचिव डॉ. सौ. सपना आवाडे यांनी व्यक्त केले. येथे घडणारा प्रत्येक विद्यार्थी हा औद्योगिक प्रशिक्षणाबरोबरच उद्योगांना आवश्यक असणाऱ्या गुणवत्तेने परिपूर्ण होतो. यामुळेच औद्योगिक प्रशिक्षण घेणाऱ्या विद्यार्थ्यांची सातत्याने नामांकित कंपनीमध्ये निवड होत असल्याचे प्राचार्य धन्यकुमार पाटील यांनी सांगितले.
संस्थाध्यक्ष कल्लाप्पाण्णा आवाडे, उपाध्यक्ष आमदार प्रकाश आवाडे, मानद सचिव डॉ. सौ. सपना आवाडे, संचालक मंडळाचे सहकार्य लाभले. यशस्वी विद्यार्थ्यांना यशवंतराव चव्हाण पॉलिटेक्निकचे प्राचार्य ए. पी. कोथळी, आयटीआयचे प्राचार्य पाटील, टीपीओ व्ही. आर. मुल्लाणी यांचे मार्गदर्शन लाभले.