वक्तृत्व स्पर्धा

इचलकरंजीत ५ फेब्रुवारीला
आंतरमहाविद्यालयीन वक्तृत्व स्पर्धा

इचलकरंजी : प्रतिवर्षीप्रमाणे स्व. दगडूलाल मर्दा स्मृती राज्यस्तरीय आंतरमहाविद्यालयीन वक्तृत्व स्पर्धा आयोजित करण्यात आली आहे‌. येथील मनोरंजन मंडळ, श्री दगडूलाल मर्दा चॅरिटेबल व रिसर्च फाउंडेशन, रोटरी क्लब ऑफ सेंट्रल आणि इनरव्हील क्लब यांच्या संयुक्त विद्यमाने होणाऱ्या स्पर्धेचे हे चौदावे वर्ष आहे. ही स्पर्धा येथील रोटरी श्री दगडूलाल मर्दा मानव सेवा केंद्र येथे ५ फेब्रुवारी रोजी सकाळी दहा वाजता सुरू होणार आहे.
वक्तृत्व स्पर्धेकरिता ‘वसंत बापट ः प्रतिभासंपन्न साहित्यिक’, ‘युद्ध नको मज बुद्ध हवा’, ‘शासन व्यवस्थेला न कळलेला बळीराजा’, ‘कोणता झेंडा घेऊ हाती’, ‘जल जमीन जंगल व जीवन’, आणि ‘मन करा रे प्रसन्न’ हे विषय आहेत. ही स्पर्धा कनिष्ठ, वरिष्ठ कॉलेज आणि पदव्युत्तर विद्यार्थ्यांना खुली राहील. सर्व विजेत्यांना रोख पारितोषिके व प्रशस्तीपत्रे प्रदान करण्यात येतील. इच्छुक स्पर्धकांनी अध्यक्ष, मनोरंजन मंडळ, दाते मळा येथे संपर्क साधावा, असे आवाहन संयोजकांच्या वतीने करण्यात आले आहे.