खंडणी गुन्हा

खंडणी गुन्हा

सामाजिक कार्यकर्ता दामलेवर
इचलकरंजीत खंडणीचा गुन्हा

इचलकरंजी, ता.१० : आपल्या बळाचा वापर करत व्यापारी कुटुंबाला त्रास देत खंडणी मागणाऱ्या एका सामाजिक कार्यकर्त्यावर गावभाग पोलिस ठाण्यात गुन्हा दाखल झाला आहे. प्रसाद प्रभाकर दामले (वय ५३, रा. इचलकरंजी) असे त्याचे नाव आहे. याबाबतची फिर्याद धनश्री वामन मुळ्ये( वय ४२) यांनी पोलिसांत दिली आहे,अशी माहिती पोलीस निरीक्षक राजू ताशिलदार यांनी दिली. मात्र पोलिसांनी त्याला अद्याप अटक केलेली नाही.
पोलिसांनी दिलेली माहिती अशी, धनश्री मुळये यांचा घरासमोर फळ विक्रीचा व्यवसाय आहे. सामाजिक कार्यकर्ते दामले हा त्यांच्या घरासमोर येऊन फळ विक्री व्यवसायाचा फोटो काढत होता. याबाबत मुळये यांच्या पतीने विचारणा केली असता त्यांना महानगरपालिकेत तक्रार करून फळ विक्रीचा व्यवसाय करून देणार, अशी धमकी दिली. तसेच व्यवसाय करायचा असेल तर दहा हजार रुपयांचा हप्ता देण्याची मागणी करत धक्काबुक्की केली. वाद सोडवण्यासाठी आलेल्या मुलगा श्रीराम याच्या पायावर दगडाने मारहाण केली. या मारहाणीत तो जखमी झाला आहे. यावेळी आसपासच्या व्यापाऱ्यांनी गर्दी केली. सर्वांनी दामले यांना समजावून सांगण्याचा प्रयत्न केला. मात्र, त्या सर्वांना व्यापार कसा करता तेच बघतो अशी धमकी देत दमदाटी केली. ही घटना व्यंकोबा मैदान परिसरात घडली. फिर्यादीनुसार दामले याच्यावर पोलिसांत गुन्हा दाखल करण्यात आला आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com