बँक अपहार फॉलअप

नुतन नागरी सहकारी बँकेतील
अपहारप्रकरणी कसून चौकशी
इचलकरंजी, ता.१८ : शंकरराव पुजारी नुतन नागरी सहकारी बँकेतील ३.५८ कोटी अपहारप्रकरणी दिवसभर संशयिताकडे कसून चौकशी करण्यात आली. याप्रकरणी गुन्हा दाखल असलेल्या अन्य संशयितांचा शोध सुरू आहे. तसेच बँकेतील कागदपत्रांचीही पडताळणी करण्यात आल्याची माहिती गावभाग पोलिस ठाण्याचे निरिक्षक प्रविण खानापुरे यांनी दिली.
पदाचा गैरवापर करत नियमबाह्य कर्ज वाटप आणि बनावट व्हाउचरच्या माध्यमातून एकूण ३ कोटी ५८ लाख ३७ हजारांचा अपहार केल्याप्रकरणी बँकेचे चेअरमन प्रकाश पुजारी यांच्यासह १९ जणांवर गुन्हा दाखल करण्यात आला होता. त्यापैकी १४ जणांना अटक करण्यात आली असून सर्वजण पोलिस कोठडीत आहेत. आज अटकेतील संशयितांकडून अपहाराबाबत कसून चौकशी करण्यात आली. विविध पोलिस पथकांच्या माध्यमातून सुरेखा बडबडे, सर्जेराव जगताप, राहुल पाटील, सारीका कडतारे आणि कांचन पुजारी यांचा शोध सुरू आहे.