डीकेएएससी महाविद्यालयाच्या पुष्करची राष्ट्रीय स्पर्धेसाठी निवड

43109
इचलकरंजी : राज्यस्तरीय मैदानी स्पर्धेत यश मिळवलेल्या पुष्कर माळी व सौरभ दंडवते यांचा प्राचार्य डॉ. अनिल पाटील यांनी सत्कार केला.

डीकेएएससी महाविद्यालयाच्या
पुष्करची राष्ट्रीय स्पर्धेसाठी निवड
इचलकरंजी : डीकेएएससी महाविद्यालयाचा खेळाडू पुष्कर माळीची राष्ट्रीय मैदानी स्पर्धेत निवड झाली. चंद्रपूर येथे झालेल्या राज्यस्तरीय मैदानी स्पर्धेत माळी याने थाळी फेक प्रकारात, तर सौरभ दंडवते याने हॅमर थ्रो, दिव्यांनी लायकर हिने क्रॉसकंट्री खेळामध्ये सहभाग घेतला होता. स्पर्धेत पुष्कर माळीने उत्कृष्ट कामगिरी करत थाळी फेकमध्ये द्वितीय क्रमांक मिळवला. त्याची राष्ट्रीय स्पर्धेसाठी निवड झाली आहे, तर सौरभ याने हॅमर थ्रो खेळात तृतीय क्रमांक मिळवला. यशस्वी खेळाडूंचा प्राचार्य डॉ. अनिल पाटील यांच्या हस्ते सत्कार केला. संस्थेचे कार्याध्यक्ष प्राचार्य अभयकुमार साळुंखे, सचिव शुभांगी गावडे, संस्थेचे मुख्य कार्यकारी अधिकारी कौस्तुभ गावडे यांनी खेळाडूंचे अभिनंदन केले. शारीरिक शिक्षण संचालक प्रा. विनायक भोई, प्रा. मुजफ्फर लगीवाले, प्रा. प्रशांत कांबळे यांचे मार्गदर्शन लाभले.
-------------------
43110
इचलकरंजी : महाराष्ट्र संघाला रोलबॉल स्पर्धेत सुवर्णपदक प्राप्त करून देणाऱ्या स्नेहल पाटील हिचा सत्कार प्राचार्य डॉ. व्ही. ए. माने यांनी केला.

स्नेहल पाटील हिचा सत्कार
इचलकरंजी : गोवा येथे झालेल्या राष्ट्रीय रोलबॉल स्पर्धेत महाराष्ट्राच्या मुलींच्या संघाने सुवर्णपदक प्राप्त केले. या संघात श्री व्यंकटेश महाविद्यालयाची खेळाडू स्नेहल पाटील हिचा समावेश होता. प्राचार्य डॉ. व्ही. ए. माने यांच्या हस्ते तिचा सत्कार करण्यात आला. या वेळी कार्यालयीन अधीक्षक अनोष गायकवाड उपस्थित होते. तिला शारीरिक शिक्षण संचालक अमीन बाणदार, महाराष्ट्र रोल-बॉल संघाचे संघव्यवस्थापक अमित पाटील यांचे मार्गदर्शन लाभले.
--------
43111
पृथ्वीराज सलगर

राज्यस्तरीय कुस्तीत पृथ्वीराज द्वितीय
इचलकरंजी : राज्यस्तरीय कुस्ती स्पर्धेत दि न्यू हायस्कूल व ज्युनिअर कॉलेजने यश मिळवले. शाळेचा विद्यार्थी पृथ्वीराज सलगर याने बारामती येथे झालेल्या स्पर्धेत ९७ किलो वजनी गटामध्ये द्वितीय क्रमांक मिळवला. त्याची राष्ट्रीय स्पर्धेसाठी निवड झाली आहे. संस्थेचे अध्यक्ष अरुणराव खंजिरे मुख्याध्यापक बी. ए. कोळी, क्रीडा शिक्षक पी. बी. कोळी यांचे मार्गदर्शन लाभले.