पोलिस वृत

पोक्सोअंतर्गत
तरुणावर गुन्हा
इचलकरंजी : लग्नाचे आमिष दाखवून अल्पवयीन मुलीवर लैंगिक अत्याचार केल्याप्रकरणी एका तरुणावर पोक्सोअंतर्गत गुन्हा दाखल करण्यात आला आहे. गणेश गुरवळ (वय २०, रा. लक्षतीर्थ वसाहत, कोल्हापूर) असे त्याचे नाव आहे. याबाबची फिर्याद पीडित मुलीच्या वडिलांनी दिली. पोलिसांतून मिळालेली माहिती अशी- गणेश गुरवळ याने अल्पवयीन मुलीला लग्नाचे आमिष दाखवून फूस लावून पळवून नेले. पीडित मुलीवर लैंगिक अत्याचार केले. त्यानुसार पोलिसांनी कारवाई करत त्याला अटक केली.
...
फसवणूकप्रकरणी
सात दिवस कोठडी
इचलकरंजी : शासनाचा महसूल बुडविण्यासाठी बनावट कागदपत्रांचा वापर करून फसवणूक केल्याप्रकरणी एकाला शहापूर पोलिसांनी अटक केली आहे. असीम चांदसाहब मुजावर (वय ३२, रा. मुजावर गल्ली, कवठेपिरान, जि. सांगली) असे त्याचे नाव आहे. त्याला न्यायालयाने सात दिवसांची पोलिस कोठडी सुनावली आहे. याबाबतची फिर्याद सहायक प्रादेशिक परिवहन अधिकारी विजय गणपती इंगवले (वय ५६) यांनी पोलिसांत दिली आहे. मुजावर याने प्रादेशिक कार्यालयात ट्रक तपासणीसाठी आणला होता. ट्रकचे निरीक्षण करून कागदपत्रे तपासली असता वाहनाचे नोंदणी प्रमाणपत्र हे मूळ नसून फोटो प्रिंट असल्याचे समोर आले. यावेळी सखोल तपासणी केली असता वाहनाची चेस बदलून त्याने फसवणूक केल्याचे उघडकीस आले.