पोलिस वृत्त

तलवार हल्लाप्रकरणी
दोघांना पोलिस कोठडी
इचलकरंजी : वैरण बाजार परिसरातील हमालावरील तलवार हल्लाप्रकरणी शिवाजीनगर पोलिसांनी दोघांना अटक केली. नितीन दशरथ साळुंखे (वय ३९) आणि राजकुमार रामा कदम (वय ३२, दोघे रा. गावभाग परिसर) अशी त्यांची नावे आहेत. दोघांना न्यायालयात हजर केले असता, चार दिवसांची पोलिस कोठडी सुनावली आहे. या प्रकरणातील संशयित गणेश नेमिष्टे याचा पोलिस शोध घेत आहेत.
...
मारहाणप्रकरणी ११ जणांवर गुन्हा
इचलकरंजी : घरात घुसून पाचजणांना मारहाण केल्याप्रकरणी ११ जणांवर शिवाजीनगर पोलिस ठाण्यात गुन्हा दाखल झाला आहे. कबनूर (ता. हातकणंगले) येथील दत्तनगर भागात सुमेश सुतार हे सुतारकाम करतात. शनिवारी (ता.१) सायंकाळी अचानक प्रकाश रानभरे, ज्योती रानभरे, संगीता मठपती, किरण मठपती, विशाल मठपती, सूरज सुतार यांच्यासह ११ जण त्यांच्या घरात घुसले. सुमेश आणि त्यांच्या पत्नीस हे घर आमचे आहे, असे म्हणत घरातील साहित्य त्यांनी बाहेर फेकले. सुमेश, त्यांची पत्नी, वनिता, विभावरी या दोन मुली, मुलगा सर्वेश अशा पाचजणांना शिवीगाळ करत लाथा-बुक्क्यांनी मारहाण केली. याप्रकरणी सुमेश सुतार यांच्या फिर्यादीनुसार ११ जणांवर पोलिसांनी गुन्हा दाखल केला.