अपहार गुन्हा

हौसिंग सोसायटीत अपहार,
दहा जणांविरुद्ध
गुन्हा दाखल

इचलकरंजी : येथील महेश को-ऑप. हौसिंग सोसायटीत ७९ सभासदांकडून दुरुस्ती कामासाठी गोळा केलेल्या निधीचा अपहार केल्याचा प्रकार उघडकीस आला आहे. याप्रकरणी शिवाजीनगर पोलिस ठाण्यात संस्थेचे तत्कालीन चेअरमन, व्हा. चेअरमन, सचिव व संचालक मंडळातील एकूण १० जणांविरुद्ध गुन्हा दाखल करण्यात आला आहे. त्यांनी एकूण चार लाख दोन हजार ५९० रुपयांचा अपहार केला. याबाबतची फिर्याद लेखापरीक्षक सुभाष देशमुख (वय ५३) यांनी दिली.
तत्कालीन चेअरमन गोविंदलाल बालुराम बजाज, व्हा. चेअरमन श्रीवल्लभ चंपालाल तोतला, संचालक रामनिवास नरसिहदास भराडिया, श्यामसुंदर गणपतलाल बियाणी, हरिप्रसाद मोहनलाल पोरवाल, ओमप्रकाश कन्हैयालाल लड्डा, श्रीगोपाल केसरीमल बियाणी, उज्वला सत्यनारायण बजाज, सुधा राजकुमार दमाणी, सचिव सुभाष पन्नालाल मोदाणी अशी गुन्हा दाखल झालेल्या संशयितांची नावे आहेत.