मगदूम कॉलेजच्या संशोधन प्रकल्पास मान्यता

मगदूम कॉलेजच्या संशोधन प्रकल्पास मान्यता
जयसिंगपूर ः येथील डॉ. जे. जे. मगदूम फार्मसी कॉलेज आणि डॉ. जे. जे. मगदूम आयुर्वेदिक मेडिकल कॉलेजच्या संशोधन प्रकल्पास भारत सरकारच्या आरजीएसटीसी (राजीव गांधी सायन्स अँड टेक्नॉलॉजी कमिशन) संस्थेने मान्यता देऊन तीन लाख ४० हजारांची आर्थिक मदत जाहीर केली. चिकनगुण्यावर प्रभावी औषधप्रणाली शोधण्याबद्दलचा हा प्रकल्प अनेक रुग्णांना वरदान ठरणार आहे. प्रकल्पाची संकल्पना प्राचार्य डॉ. एस. एस. पाटील यांची असून प्रकल्पाचे संचालन राहुल गस्ते व महाविद्यालयाची विद्यार्थिनी श्रद्धा माळी हे करत आहेत. डॉ. जे. जे. मगदूम आयुर्वेदिक मेडिकल कॉलेजचे प्रमोद बुद्रुक, प्रियंका चौगुले हे प्रकल्पातील तज्ज्ञ म्हणून काम पाहणार आहेत. संस्थेचे अध्यक्ष विजय मगदूम, उपाध्यक्षा सोनाली मगदूम यांनी याबद्दल अभिनंदन केले आहे.