सावर्डेत रक्तदान शिबीरास उत्स्फूर्त प्रतिसाद ; ५० रक्तदात्यांनी केले रक्तदान.

रक्तदान शिबिरास
सावर्डेत प्रतिसाद
कळे : सावर्डे तर्फ असंडोली (ता. पन्हाळा) येथील श्री सत्यसाई सेवा समिती, सावर्डे यांच्या वतीने श्री सत्यसाई सेवा संघटना व वैभवलक्ष्मी ब्लड बँक कोल्हापूर यांच्या संयुक्त विद्यमानाने रक्तदान शिबिराचे आयोजन केले होते. यावेळी सावर्डे परिसरातील ५० दात्यांनी रक्तदान केले. सध्या जिल्ह्यात रक्ताचा तुटवडा जाणवत असल्यामुळे संघटनेच्या वतीने या रक्तदान शिबिराचे आयोजन केले होते. रक्तदान शिबिरास नवयुवकांचा सहभाग होता. शिबिरासाठी संघटनेचे जिल्हाध्यक्ष बजरंग माळी, रक्तदान शिबिरप्रमुख प्रसाद धारवाडकर यांचे मार्गदर्शन लाभले. यावेळी सावर्डे गावचे समिती प्रमुख रोहित भोसले, संजय पाटील, रोहित काळे, स्वरूप पाटील आदींसह साईभक्त उपस्थित होते.