रस्त्याबाबत आमदार आवाडेंना निवेदन

रस्त्याबाबत आमदार आवाडेंना निवेदन
कबनूर ः येथील प्रभाग क्रमांक दोनमध्ये साईनगर परिसरातील नागरिकांनी आमदार प्रकाश आवाडे यांना भागात रस्ता करण्यासंदर्भात निवेदनाद्वारे मागणी केली. निवेदनात म्हटले आहे, साईनगरपासून जाणारा मुख्य रस्ता खराब झाला आहे. त्यामुळे लोकांना त्याचा फार त्रास सहन करावा लागत आहे. बारा वर्षे याकडे दूर्लक्ष झाले आहे. नागरिकांना रस्त्यावरून जाणे मुश्कील बनले आहे. आपल्या स्थानिक निधीतून हा रस्ता लवकरात लवकर करावा. सुधाकर कुलकर्णी, रवींद्र धनगर व अभिजित कारंडे यांच्या नेतृत्वाखालील शिष्टमंडळाने आमदार प्रकाश आवाडे यांची भेट घेऊन त्यांना हे निवेदन दिले. निवेदनावर अभिजित कारंडे, रवींद्र धनगर, सुधाकर कुलकर्णी, अनिल कांबळे, शाबिर बारदेसकर, आमिन मुल्ला आदींच्या स्वाक्षऱ्या आहेत.