ओला कचरा माणगावला पाठवा

ओला कचरा माणगावला पाठवा

ओला कचरा माणगावला पाठवा
शबाना मोकाशी ः कबनूर ग्रामपंचायतीस भेट
सकाळ वृत्तसेवा
कबनूर, ता. ४ ः माणगाव (ता. हातकणंगले) येथील ग्रामपंचायतीस जिल्ह्यातील एकमेव गोवर्धन प्रकल्प मंजूर झाला आहे. या प्रकल्पांतर्गत ओल्या कचऱ्यावर प्रक्रिया करून वीज व खतनिर्मिती केली जाणार आहे. त्यामुळे कबनूर ग्रामपंचायतीने आपल्या हद्दीतील ओला कचरा या प्रकल्पास पाठवावा, अशी सूचना गटविकास अधिकारी शबाना मोकाशी यांनी दिल्या.
गटविकास अधिकारी व त्यांच्या समितीने कबनूर ग्रामपंचायतीस भेट दिल्यानंतर ग्रामपंचायत सभागृहात सदस्यांच्या बैठकीत त्या बोलत होत्या. याकामी पुढील आठवड्यापासून सहकार्य करण्याचे अश्वासन ग्रामपंचायतीने दिले. समितीत सहायक गटविकास अधिकारी यू. के. महाले, विस्तार अधिकारी एन. आर. रामाण्णा, समूह समन्वय पाणी व स्वच्छता समितीच्या पल्लवी पाटील, संजय पाटील, आयुब डफेदार यांचा सहभाग होता.
उपसरपंच सुधीर लिगाडे, ग्रामविकास अधिकारी गणपत आदलिंग, ग्रामपंचायत सदस्य मधुकर मणेरे, सुधीर पाटील, सुनील काडाप्पा आदी उपस्थित होते. सरपंच शोभा पोवार यांनी स्वागत केले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com