पंचगंगा कारखान्याचे सभासदांना नऊ ऑक्टोबर पासून सवलतीच्या दरातील साखरेचे वाटप

‘पंचगंगा’चे सवलतीतील
साखर वाटप ९ पासून
कबनूर ता. ४ ः येथील गंगानगरमधील देशभक्त रत्नाप्पाण्णा कुंभार पंचगंगा साखर कारखाना लिज युनिट श्री.रेणुका शुगर्स या कारखान्याच्या ''अ'' वर्ग व ''ब'' वर्ग सभासदांना सवलतीच्या दरातील साखरेचे वाटप ९ आॕक्टोबर ते ८ नोव्हेंबर या कालावधीत कारखाना कार्यस्थळावर होणार आहे, अशी माहिती कारखान्याने पत्रकाद्वारे दिली आहे.
२०२३-२०२४ मध्ये ज्या ''अ'' वर्ग ऊस उत्पादक सभासदांनी कारखान्यास ऊसपुरवठा केलेला आहे त्यांना व ''ब'' वर्ग सभासदांना प्रथम शेअरला २० किलो व पुढील प्रत्येक शेअरला ५ किलो याप्रमाणे तसेच ज्यांनी ऊस पुरवठा केलेला नाही अशा सभासदांना प्रथम शेअरला १५ किलो व पुढील प्रत्येक शेअरला ५ किलो साखर प्रतिकिलो १५ रुपये दराने देण्यात येईल. सभासदाना ओळखपत्राशिवाय साखर दिली जाणार नाही.जे सभासद येवू शकणार नाहीत त्यानी अधिकारपत्र देणेचे आहे.अधिकारपत्र हजर करणाऱ्याने त्या सभासदाचे व स्वतःचे ओळखपत्र दिलेशिवाय साखर दिली जाणार नाही.साखरेची रक्कम ए.टी.एम. कार्ड/डेबीट कार्डाद्वारे अथवा रोखीने स्वीकारली जाणार आहे.साखर वाटपाची मुदत संपलेवर कोणत्याही सबबीवर साखर दिली जाणार नाही. साखर वाटप सकाळी ९ ते सायं. ५ वेळेत सुरू राहील. हे वाटप दर रविवारी व दसरा (ता. १२) व १ नोव्हेंबर व २ नोव्हेंबरला दीपावलीनिमित्त बंद राहील.