२३९० महिलांची आरोग्य तपासणी

२३९० महिलांची आरोग्य तपासणी
कागल : मुख्यमंत्री महिला सशक्तीकरण अभियानांतर्गत महिला दिनाचे औचित्य साधून कागल तालुक्यातील सर्व प्राथमिक आरोग्य केंद्रे, उपकेंद्रे, आयुर्वेदिक दवाखाने आदींमध्ये महिलांची आरोग्य तपासणी करण्यात आली. एकूण २३९० महिलांची तपासणी करण्यात आली. ४७७ महिलांवर किरकोळ उपचार करण्यात आले. संदर्भ सेवेसाठी पाच महिलांना प्राथमिक आरोग्य केंद्रांकडे पाठविण्यात आले. तपासणीमध्ये महिलांची वजन, उंची, बी. पी, शुगर, एच. बी, बी. एम. आय., मुख तपासणी, संशयित कॅन्सर तपासणी करून आरोग्य विषयक शंका निरसन व औषोधोपचार केले. मोहिमेमध्ये गटविकास अधिकारी सुशील संसारे व तालुका आरोग्य अधिकारी डॉ. फारूक देसाई यांचे मार्गदर्शन लाभले.