अहिल्यादेवींचे विचार, कार्य प्रेरणादायी ः घाटगे

अहिल्यादेवींचे विचार,
कार्य प्रेरणादायी ः घाटगे
कागल : ‘पुण्यश्लोक अहिल्यादेवी होळकर यांचे विचार व कार्य पिढ्यानपिढ्या प्रेरणादायी आहेत,’ असे प्रतिपादन शाहू ग्रुपचे अध्यक्ष समरजित घाटगे यांनी केले. करनूर (ता. कागल) येथे पुण्यश्लोक अहिल्यादेवी होळकर यांच्या जयंतीनिमित्त आयोजित कार्यक्रमावेळी ते बोलत होते.
यावेळी घाटगे यांच्या हस्ते अहिल्यादेवी होळकर, छत्रपती शिवाजी महाराज व मल्हारराव होळकर यांच्या पुतळ्याचे व ज्योतीचे पूजन करून अभिवादन केले. बिरदेव तरुण मंडळाने कार्यक्रमाचे आयोजन केले होते. यावेळी बिरसिद्ध धनगर, उपसरपंच तानाजी भोसले, लक्ष्मण धनगर, कृष्णा धनगर, आनंदा धनगर, आनंदा पाटील, ए. जे. कदम, तानाजी शिंदे, सुखदेव कांबळे, जयसिंग घाटगे, कुमार पाटील, सचिन घोरपडे, जयेंद्र चौगुले आदी उपस्थित होते. सतीश धनगर यांनी स्वागत केले. तानाजी धनगर यांनी आभार मानले.