कागल : ग्रंथतुला करून पुस्तके शाहू वाचनालयास भेट

अमृतमहोत्सवानिमित्त
जकाते यांची ग्रंथतुला
कागल : ‘साहित्य लेखनाने इतरांच्या मनाचे दुःख हलके होते. वास्तव जीवन जगताना जीवनाचे वेगळेपण जपत असताना साहित्य निर्मितीतून प्रबोधन होते,’ असे प्रतिपादन सुहासिनीदेवी घाटगे यांनी व्यक्त केले. येथील साहित्यिक आप्पासाहेब जकाते-यादव यांच्या अमृतमहोत्सवी पदार्पण सोहळ्यात त्या बोलत होत्या.
यावेळी आप्पासाहेब जकाते-यादव यांची ग्रंथतुला करण्यात आली. ही पुस्तके नगरपरिषदेच्या शाहू वाचनालयास भेट दिली. आरोग्य निरीक्षक नितीन कांबळे यांनी ती स्वीकारली. यावेळी सत्कारमूर्ती आप्पासाहेब जकाते यांच्यासह प्राचार्या डॉ. नीला जोशी, जयश्री कांबळे, बोंगाळे, जिवेंद्र जडे, शिवाजी माळकर, सुरेश पाटील, नितीन कांबळे, तनुष यादव यांनी मनोगत व्यक्त केले. पालकमंत्री हसन मुश्रीफ, जिल्हा बँकेचे संचालक भैया माने, गोकुळ संचालक युवराज पाटील यांनी जकाते यांना शुभेच्छा दिल्या. संदीप यादव यांनी स्वागत केले. विठ्ठल भोपळे यांनी सूत्रसंचालन केले. संतोष यादव यांनी आभार मानले.