कागल : भुईमूग व सोयाबीन बियाण्याचं मोफत वाटप सुरू – कागल तालुक्यात ६१२ शेतकऱ्यांना लाभ
8421
कागल : शेतकऱ्यांनी बियाणे घेण्यासाठी येथील कृषी कार्यालयात केलेली गर्दी.
..........
भुईमूग, सोयाबीन बियाण्याचे
कागल तालुक्यात मोफत वाटप
‘महाडीबीटी’वर नोंदणी केलेल्या ६१२ शेतकऱ्यांना लाभ
सकाळ वृत्तसेवा
कागल, ता. १८ : राष्ट्रीय खाद्यतेल अभियान तेलबिया २०२५-२६ अंतर्गत कागल तालुक्यात भुईमूग व सोयाबीन बियाणांचे मोफत वाटप सुरू केले आहे. महाडीबीटी ॲपवरून नोंदणी केलेल्या शेतकऱ्यांपैकी प्राधान्यक्रमानुसार ४५७ शेतकऱ्यांना भुईमूग, तर १५५ शेतकऱ्यांना सोयाबीन बियाणे मिळणार आहे. शेतकऱ्यांनी बियाणे घेण्यासाठी कृषी कार्यालयांत मोठी गर्दी केली होती.
बियाणे वाटपासाठी कागल तालुका खरेदी-विक्री संघ, लकी शेती सेवा केंद्र (कागल) आणि विठ्ठल-रखुमाई शेती सेवा केंद्र (मुरगूड) यांची निवड केली आहे. राज्य शासनाने खरीप हंगामात तेलबिया पिकांचे उत्पादन वाढविण्यासाठी ही योजना राबविली आहे. शेतकऱ्यांना भुईमूग आणि सोयाबीनच्या बियाणांबरोबरच मोफत माती परीक्षण, जिओ टॅगिंगद्वारे पीक संरक्षण, औषधे आणि जैविक खतही देण्यात येणार आहे.
कागल तालुक्यात वैयक्तिक शेतकऱ्यांसाठी भुईमुगासाठी २०० हेक्टर आणि गटासाठी ५० हेक्टरचे उद्दिष्ट ठेवले आहे, तर सोयाबिनसाठी अनुक्रमे ११० व ६० हेक्टरचे उद्दिष्ट आहे. मे महिन्यात सोयाबीन, तर जूनमध्ये भुईमूग बियाणासाठी महाडीबीटी ॲपवर नोंदणी करण्याचे आवाहन केले होते. सोयाबीनसाठी महाबीजच्या ‘फुले संगम’ वाणाची, तर भुईमुगासाठी हैदराबाद येथील एचआयएल कंपनीच्या बियाणाची निवड केली आहे. सोयाबीन बियाणाचे वाटप १ जूनपासून सुरू झाले असून, भुईमूग बियाणाचे वितरण मंगळवार (ता. १७) पासून जयसिंगराव पार्क येथील कृषी विभागाच्या कार्यालयात सुरू झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.