मराठा महासंघ विद्यार्थी संघटनेतर्फे ऑनलाईन वक्तृत्व स्पर्धेचे आयोजन

मराठा महासंघ विद्यार्थी संघटनेतर्फे
ऑनलाईन वक्तृत्व स्पर्धेचे आयोजन
कंदलगाव, ता. १८ : अखिल भारतीय मराठा महासंघ विद्यार्थी संघटनेतर्फे राजर्षी शाहू महाराज शतकोत्तर सुवर्णमहोत्सवी जयंतीनिमित्त महाविद्यालयीन विद्यार्थ्यांसाठी ऑनलाईन वक्तृत्व स्पर्धेचे आयोजन करण्यात आले आहे. स्पर्धेतील विषय असे- शिवरायांच्या विचाराचे पाईक : राजर्षी शाहू छत्रपती, राजर्षी शाहू महाराज आणि सामाजिक सुधारणा व राजर्षी शाहू महाराजांचे शैक्षणिक कार्य. स्पर्धा कोल्हापूर जिल्हा मर्यादित असणार आहे. स्पर्धकांनी कोणत्याही एका विषयावर भाषणाचा व्हिडिओ तयार करून १ ऑगस्टपर्यंत व्हॉट्सअप करावा. अधिक माहितीसाठी विद्यार्थ्यांनी मराठा महासंघ कार्यालय, मंगळवार पेठ येथे संपर्क साधावा. जिल्ह्यातील महाविद्यालयीन विद्यार्थ्यांनी सहभागी होण्याचे आवाहन विद्यार्थी संघटनेचे जिल्हाध्यक्ष प्रतिक साळुंखे, शहर अध्यक्ष विराज पाटील यांनी केले आहे.