क्रीडा संकुल रस्त्यावर चेंबर फुटल्याने धोका

07922
कोल्हापूर : मंगळवार पेठेतील पद्मावती मंदिराच्या मागील रस्त्यावर चेंबर फुटल्याने धोका निर्माण झाला आहे. (प्रकाश पाटील : सकाळ छायाचित्र सेवा)

क्रीडा संकुल रस्त्यावर
चेंबर फुटल्याने धोका
दोन आठवडे ''जैसे थे'' स्थिती
सकाळ वृत्तसेवा
कंदलगाव, ता. २ : पद्मावती मंदिरापासून जुन्या एनसीसी ऑफिसकडे जाणाऱ्या क्रीडा संकुल रस्त्यावर गटारीचे चेंबर फुटल्याने अपघाताचा धोका निर्माण झाला आहे. सुमारे दोन आठवड्यांपासून ही स्थिती असूनही संबंधित विभागाचे याकडे दुर्लक्ष झाल्याने प्रवासी व स्थानिक नागरिकांनी वाहनधारकांची काळजी घेऊन या चेंबरमध्ये झाडांच्या फांद्या लावल्या आहेत. या रस्त्यावर कळंबा, संभाजीनगर, गजानन महाराजनगर या परिसरातून मोठ्या प्रमाणावर वाहतूक होत असते. तसेच याठिकाणी जवळच क्रीडा संकुल असल्याने खेळाडू मुला-मुलींची रात्री उशिरापर्यंत ये-जा सुरू असते. अशावेळी या फुटलेल्या चेंबरमुळे अपघात घडण्याचा धोका निर्माण झाला आहे.
----------------
07921
कोट
या रस्त्यावर पहाटेपासून रात्री उशिरापर्यंत तरुण खेळाडूंसह प्रवाशांची वर्दळ असते. या ठिकाणी गटारी खोल आहेत. रस्त्यावरील गटारीचा चेंबर फुटल्याने धोकादायक स्थिती निर्माण झाली आहे.
- युवराज लोखंडे, नागरिक
-----------------
कोट
या रस्त्यावरील गटारींच्या तीन चेंबरबाबत विभागीय कार्यालयाकडे पत्रव्यवहार केला आहे. दोन दिवसांत चेंबर दुरुस्ती करून घेऊ.
- विनोद नाईक, आरोग्य निरीक्षक