कंदलगाव .केआयटीच्या प्रथम वर्ष इंजिनिअरिंग प्रवेश प्रक्रियेबाबत मोफत मार्गदर्शन.. केशवराव भोसले नाट्यगृह येथे संपन्न होणार..

केआयटीच्या प्रथम वर्ष इंजिनिअरिंग
प्रवेश प्रक्रियेबाबत उद्या मार्गदर्शन

कंदलगाव, ता. ८ : केआयटी कॉलेजतर्फे सोमवारी (ता. १०) ‘अभियांत्रिकी क्षेत्रातील करिअरच्या संधी व प्रथम वर्ष अभियांत्रिकी प्रवेश प्रक्रिया-२०२४'' विषयावर मार्गदर्शन होणार आहे. कार्यक्रम केशवराव भोसले नाट्यगृहात दु. ४ वा. होणार असल्याची माहिती संस्थेचे संचालक डॉ. मोहन वनरोट्टी यांनी पत्रकार परिषदेत दिली.
डॉ. वनरोट्टी म्हणाले, ‘‘केआयटी अभियांत्रिकी (स्वायत्त) महाविद्यालय ४१ वर्षाची उज्ज्वल परंपरा असणारे तसेच एन.बी.ए. नॅकबरोबरच ''एम्पॉवर्ड ऑटोनॉमी''चा दर्जा असलेले दर्जेदार कॉलेज आहे. अभियांत्रिकी प्रवेशप्रक्रिया थोडी गुंतागुंतीची आहे. प्रवेश प्रक्रियेतील एकूण टप्प्यांवर झालेली छोटी चूक विद्यार्थ्यांच्या शैक्षणिक भवितव्याचे नुकसान ठरू शकते. याचे गांभीर्य ओळखूनच केआयटी विद्यार्थी व पालकांसाठी हा कार्यक्रम करते. कार्यक्रमात अभियांत्रिकीच्या विविध विभागांतील करिअरच्या संधी, प्रवेश प्रक्रियेतील टप्पे, महत्त्वाची कागदपत्रे, शिष्यवृत्ती, आरक्षण, शासकीय नियमांबाबत मार्गदर्शन केले जाईल. हा कार्यक्रम पालक, विद्यार्थ्यांसाठी पूर्णतः विनामूल्य आहे.
कार्यक्रमात सहभाग घेऊन पालकांनी इंजिनिअरिंगची प्रवेशप्रक्रिया, अर्ज प्रक्रिया, ऑप्शन फॉर्म भरतानाचा गोंधळ टाळावा, असे आवाहन डॉ. वनरोट्टी यांनी केले. यावेळी प्रवेश प्रक्रियाप्रमुख डॉ. महेश शिंदे, सचिव दीपक चौगुले, प्रा. अमित वैद्य उपस्थित होते.