कंदलगाव.गांधीजींची मुल्ये शालेय जीवनापासूनच आचरणात आणावी. कोपार्डेकर:

‘संस्कार रुजवूया स्वच्छतेचे’
उपक्रम कोपार्डेकर शाळेतर्फे

कंदलगाव, ता. ९ ः ‘‘सत्य, अहिंसा व त्याग ही गांधीजींची मूल्ये प्रत्यक्ष शालेय जीवनापासूनच आचरणात आणून स्वतःमध्ये सकारात्मक बदल घडवून आणावेत;’’ असे प्रतिपादन सचिव व मुख्याध्यापक मिलिंद कोपार्डेकर यांनी व्यक्त केले.
विद्यावर्धिनी शिक्षण प्रसारक मंडळ कोल्हापूर संचालित कोपार्डेकर शाळा समूहातील आनंदीबाई नारायणराव सरदेसाई हायस्कूल व विद्यामंदिर शाहूपुरी कोल्हापूर आणि ग्रामपंचायत कळंबा यांच्या संयुक्त विद्यमाने गांधी विचार व स्वच्छता मूल्य विद्यार्थ्यांच्यात रुजवण्याच्या दृष्टीने ‘संस्कार रुजवूया स्वच्छतेचे’ उपक्रम राबविण्यात आला. कार्यक्रमप्रसंगी कळंबा सरपंच सुमन गुरव व सामाजिक कार्यकर्ते विश्वास गुरव, उपसरपंच व शाळेचे माजी विद्यार्थी विकास पोवार याचबरोबर ग्रामपंचायत सदस्य, कर्मचारी व स्वच्छता कर्मचारी उपस्थित होते. सूत्रसंचालन विद्यार्थी प्रतिनिधी लक्ष्मी मुतनाळ व पृथ्वीराज किल्लेदार यांनी केले. सार्थक नागावकर व व्ही. एस. पाटील यांनी आभार मानले. एम. बी. डावरे, अजित व्हनाळकर, एस. एस. पाटील, एस. एस. भोसले, बी. डी. भूसनर, आरती कोपार्डेकर, पांडुरंग नायकवडे, मधुकर पोवार व दत्तू चौधरी यांचे सहकार्य लाभले.