हातकणंगले तहसीलदार सुशील बेल्हेकर यांची कोतवालांना अनोखी भेट

तहसीलदार बेल्हेकर यांनी
१५ कोतवालांना घडवली सहल
खोची ः हातकणंगलेचे तहसीलदार सुशील बेल्हेकर यांनी वैयक्तिक तालुक्यातील १५ कोतवालांना स्वखर्चाने भारत गौरव यात्रेमार्फत किल्ले रायगड, शिवनेरी, प्रतापगड, पन्हाळा, भीमाशंकर, कोल्हापूर दर्शन घडवून अनोखी भेट दिली. महसूल विभागातील कोतवाल नेहमीच दुर्लक्षित राहतात. अधिकारीवर्ग कोतवालांपासून व्यावसायिक अंतर ठेवतात, जे प्रामुख्याने प्रशासकीय व क्षेत्रिय कर्तव्यात अधिकाऱ्यांना मदत करतात. दर तीन वर्षांनी अधिकाऱ्यांच्या बदल्या होत असल्यामुळे नवीन येणाऱ्या अधिकाऱ्यांना सांभाळत कोतवालांना काम करावे लागते; परंतु हातकणंगल्याचे तहसीलदार बेल्हेकर यांनी कृतीतून शिक्षण हे फक्त पदवीपुरते मर्यादित नसून, ते कृतीतून व उपक्रमातून, मूल्यांमधून दाखवता येते, हे साध्य करून दाखवून दिले आहे.