कळंबा शेती गटांतर्गत ११३६७ हेक्टरवर खरीप

१७९४
कळंबा : खरीप हंगामाच्या पार्श्‍वभूमीवर बैल जोडीच्या सहायाने मशागतीची कामे करताना शेतकरी.

कळंबा शेती गटांतर्गत
११३६७ हेक्टरवर खरीप
संजय दाभाडे : सकाळ वृत्तसेवा
कळंबा, ता. १ : कळंबा शेती गटांतर्गत चाळीसगावामध्ये ११३६७ हेक्टर क्षेत्रामध्ये खरीप पिकांची लागवड करण्यात येणार आहे. त्यामुळे शेती अवजारे, बी-बियाणे, कीटकनाशके खरेदी करण्यासाठी शेती केंद्रावर शेतकऱ्यांची गर्दी होऊ लागली आहे. तसेच मशागतीच्या कामांना जोर आला आहे.
कळंबा, कात्यांयनी, पाचगाव, मोरेवाडी, कणेरी, कणेरीवाडी, वाडी पीर, हणबरवाडी, जैताळ, वडकशिवाले, दिंडनेरली, चुये, कावणे, नंदवाळ, दर्याचे वडगाव, गिरगाव तामगाव यासह परिसरातील चाळीसगांवामध्ये खरीप पिकाची लागवड करण्यासाठी शेतकऱ्यांनी कंबर कसली आहे. यंदाच्या खरीप हंगामात ११३६७ क्षेत्रात भात १५०५ हेक्टर, भुईमूग १२२६ हेक्टर, सोयाबीन २२९७ हेक्टर, भाजीपाला १४३ हेक्टर, ऊस ६१८१, तूर, उडीद, मूग व इतर कडधान्य १५ हेक्टर आदी पिकांची लागवड करण्यात येणार आहे. कृषी विभागाकडून शेतकऱ्यांना खरीप हंगामासाठी सोयाबीन २५ हेक्टर, भुईमूग १० हेक्टर, नाचणी, वरई या पिकांची बियाणे देण्यासाठी प्रयत्न सुरू केले आहेत.
------------
कोट
पावसाचा अंदाज घेऊन शेतकऱ्यांनी खरीप पिकाची पेरणी करावी. तसेच अधिक उत्पन्न घेण्यासाठीसंकरित बियाणांची निवड करावी. त्याचबरोबर बीज प्रक्रिया करून बियाणांची पेरणी करावी. यासाठीकृषी विभागाकडून मार्गदर्शन केले जाईल.
- नामदेव शिवाजी गिरीगोसावी, कृषी सहाय्यक, कळंबा