शासनाच्या योजनांची अंमलबजावणी तात्काळ व्हावी

7166
गारगोटी : येथे पंचायत समितीचे विस्तार अधिकारी जे. डी. मुजावर, अमोल दबडे यांना मागण्यांचे निवेदन देताना भुदरगड तालुक्यातील सरपंच संघटनेचे पदाधिकारी.
..........
योजनांची अंमलबजावणी करा;
भुदरगड सरपंच संघटनेची मागणी

गारगोटी, ता. २० : शासकीय योजनांची अंमलबजावणी तत्काळ व्हावी, या मागणीसाठी भुदरगड तालुका सरपंच संघटनेच्या वतीने तहसीलदार, गटविकास अधिकारी यांना निवेदन देण्यात आले.
जुन्या संच मान्यतेनुसार शिक्षकांच्या नियुक्त्या कायम कराव्यात, श्रावणबाळ, संजय गांधी निराधार योजनेतील शिल्लक लाभार्थ्यांना तत्काळ लाभ द्यावा, वयोश्री योजनेतील शिल्लक लाभार्थ्यांना त्वरित लाभ मिळावा, मोदी आवास योजनेतील पात्र लाभार्थ्यांना लाभाची रक्कम लवकरात लवकर वितरित करावी, अशा मागण्या निवेदनाद्वारे केल्या आहेत.
यासंदर्भात प्रशासनाकडे तातडीने कार्यवाही करण्याची मागणी केली असून, लोककल्याणकारी योजनांचा लाभ प्रत्यक्ष लाभार्थ्यांपर्यंत वेळेत पोहोचावा, असा आग्रह सरपंच बाळासाहेब जाधव यांनी यांनी व्यक्त केला. सरपंच संघटनेचे अध्यक्ष गारगोटीचे सरपंच प्रकाश वास्कर, उपाध्यक्ष सरपंच बाळासाहेब जाधव, कार्याध्यक्ष रामदास देसाई, अरुण देसाई, ऋषिकेश पाटील, विनोद कांबळे, सुरेखा सुतार उपस्थित होते.