अजित पवार चंदगड दौरा | Sakal
sakal

बोलून बातमी शोधा

अजित पवार चंदगड दौरा
अजित पवार चंदगड दौरा

अजित पवार चंदगड दौरा

sakal_logo
By

अजित पवार यांचा हलकर्णीत
रविवारी नागरी सत्कार
चंदगड, ता. ५ ः चंदगड तालुक्यातील जनतेच्या वतीने माजी उपमुख्यमंत्री व विरोधी पक्षनेते अजित पवार यांचा रविवारी (ता. ८) नागरी सत्कार होणार आहे. हलकर्णी (ता. चंदगड) औद्योगिक वसाहतीत या निमित्ताने शेतकरी मेळावा होणार आहे. नुकत्याच झालेल्या ग्रामपंचायत निवडणुकीतील राष्ट्रवादी कॉंग्रेसचे नवनिर्वाचित सरपंच व सदस्यांचा सत्कारही होणार आहे. आमदार राजेश पाटील यांनी ही माहिती दिली.
महाविकास आघाडीच्या कालावधीत पवार यांच्या माध्यमातून चंदगड मतदारसंघाच्या विकासकामांसाठी सुमारे साडेतीनशे कोटी रुपयांचा निधी उपलब्ध झाला. यासाठी आमदार हसन मुश्रीफ, आमदार राजेश टोपे, आमदार जयंत पाटील यांचेही सहकार्य लाभले. २०१९ च्या निवडणुकीत त्यांनी शेतकऱ्यांना कर्जमाफीचे आश्वासन दिले होते. मात्र कोरोना महामारीमुळे विलंब झाला. तरीही दोन लाखांपर्यंतचे कर्ज माफ आणि नियमित कर्जफेड करणाऱ्या शेतकऱ्यांना प्रोत्साहनपर ५० हजार रुपयांचे अनुदान गेल्या मार्चच्या अर्थसंकल्पात समाविष्ट केले. तीच रक्कम शेतकऱ्यांच्या खात्यावर जमा केली जात आहे. पवार यांनी यापूर्वीही तालुक्याच्या विकासाला मोठा हातभार लावला आहे. पाटबंधारे प्रकल्पामुळे तालुक्यात सोळा लाख टन ऊस उत्पादन होत आहे. याचेच औचित्य साधून त्यांचा नागरी सत्कार करण्यात येणार आहे. यावेळी नवनिर्वाचित सरपंच व सदस्यांचा सत्कार करण्यात येणार आहे. तालुक्यातील कार्यकर्त्यांनी सकाळी दहा वाजता उपस्थित राहावे, असे आवाहन राष्ट्रवादीचे तालुकाध्यक्ष भिकू गावडे यांनी केले आहे.