कुमार गायकवाड खून प्रकरणी मोर्चा बातमी
75077
कुमार गायकवाड खून
तपास सीआयडीकडे द्या
कुटुंबीयांची मागणी; जिल्हाधिकारी कार्यालयावर मोर्चा
सकाळ वृत्तसेवा
कोल्हापूर, ता. १२ ः राजेंद्रनगर येथील कुमार गायकवाड याच्या मारोकऱ्यांना अटक करा. हा तपास सीआयडीकडे द्या, अशी मागणी गायकवाड याच्या कुटुंबीयांनी केली आहे. यासाठी आज त्यांनी जिल्हाधिकारी कार्यालयावर मोर्चा काढला. आपल्या मागणीचे निवेदन त्यांनी जिल्हाधिकाऱ्यांना दिले.
राजेंद्रनगर येथील कुमार गायकवाड याचा ३ नोव्हेंबर २०२२ ला रात्री टाकाळा येथे खून करण्यात आला. या प्रकरणाचा तपास राजारामपुरी पोलिसांनी पक्षपातीपणे केला आहे. यातील मुख्य सूत्रधारांना पोलिस पाठीशी घालत आहेत, असा आरोप मोर्चावेळी गायकवाड कुटुंबीयांनी केला. त्यामुळे हा तपास सीआयडीकडे द्यावा अशी मागणी केली. दसरा चौक येथून मोर्चास प्रारंभ झाला. व्हिनस कॉर्नर मार्गे मोर्चा जिल्हाधिकारी कार्यालयावर पोहोचला. या वेळी जिल्हाधिकारी कार्यालय परिसरात जोरदार घोषणाबाजी करण्यात आली. या वेळी अर्चना गायकवाड, श्रीमंत गवळी, विजय सकट, त्र्यंबक गवळी, कुमार गायकवाडचे नातेवाईक, राजेंद्रनगर परिसरातील नागरिक उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.