‘रवळनाथ’तर्फे महिलांसाठी उद्योजकता विकास प्रशिक्षण

‘रवळनाथ’तर्फे महिलांसाठी
उद्योजकता विकास प्रशिक्षण
सकाळ वृत्तसेवा
गडहिंग्लज, ता. ९ : राष्ट्रीय सहकारी संघ व श्री रवळनाथ को-ऑप हौसिंग फायनान्स सोसायटीच्या संयुक्त विद्यमाने गडहिंग्लज शहर व परिसरातील महिलांसाठी उद्योजकता विकास प्रशिक्षण शिबीर आयोजित केले आहे. १९ फेब्रुवारी ते ८ मार्च अखेर गडहिंग्लजमध्ये हे शिबीर होईल, अशी माहिती संस्थापक अध्यक्ष एम. एल. चौगुले यांनी दिली.
ते म्हणाले, ‘महिलांमध्ये उपजतच अनेक कौशल्य व प्रचंड निर्मिती क्षमता आहे. त्याला कौशल्य विकास व व्यावसायिक प्रशिक्षणाची जोड दिल्यास संबंधित महिलांचा पर्यायाने समाजाचा आर्थिक स्तर उंचावण्यास मदत होईल. म्हणून संस्थेने हा महत्वांकाक्षी उपक्रम हाती घेतला आहे. प्रामुख्याने दारिद्रय रेषेखालील महिला व बेरोजगार युवतींसाठी हे प्रशिक्षण आहे. महाविद्यालयीन युवती, बचत गटातील महिला, उत्पादक सहकारी संस्थांच्या सभासदांनाही याचा लाभ घेता येईल. दोन्ही शिबिरातून ८० महिलांना प्रशिक्षण देण्यात येणार आहे. प्रशिक्षणासाठी इच्छूक महिला व युवतींनी माहितीसाठी झेप अकॅडमीच्या अधीक्षिका गौरी बेळगुद्री, सौ. प्रज्ञा पाटील यांच्याशी संपर्क साधावा.