राजकारणापेक्षा ‘सुटा’चे विद्यापीठ विकासाला प्राधान्य

राजकारणापेक्षा ‘सुटा’चे विद्यापीठ विकासाला प्राधान्य

राजकारणापेक्षा विद्यापीठ विकासाला
‘सुटा’चे प्राधान्य ः डी. एन. पाटील

कोल्हापूर, ता. ९ ः आमच्याजवळ संख्या पुरेशी नसल्याचे माहीत असूनही शिवाजी विद्यापीठाच्या व्यवस्थापन परिषदेच्या निवडणुकीत आम्ही तत्वासाठी लढलो. या निवडणुकीत सुटाचा (शिवाजी विद्यापीठ शिक्षक संघ) नैतिक विजय झाल्याचे आम्ही मानतो. राजकारणापेक्षा सुटाने विद्यापीठाच्या विकासासाठी नेहमीच प्राधान्य दिले असून, यापुढेही देत राहील, असे सुटाचे जनरल सेक्रेटरी प्रा. डॉ. डी. एन. पाटील यांनी आज सांगितले. आमच्याकडे फक्त ९ मते असताना व्यवस्थान परिषदेच्या निवडणुकीत प्रा. निवास वरेकर यांना १४ मते मिळाली. म्हणजे विद्यापीठ विकास आघाडीची ५ मते फुटली. श्‍वेता परूळेकर यांनाही २ मते जादा मिळाली. याचा अर्थ विकास आघाडीची एकूण ७ मते फुटली. या आघाडीने निवडून दिलेल्या तसेच नियुक्त केलेल्या सदस्यांना विकास आघाडीलाच मतदान करावे असे सांगावे लागले. शक्ती प्रदर्शन करावे लागले. आपले सदस्य फुटू नयेत यासाठी आटापिटा करावा लागला. त्याचाच अर्थ आघाडी आणि विद्यापीठ विकास मंच यांच्यात नाराजी आहे. सुटाने नेहमीच विद्यापीठाच्या विकासासाठी, भ्रष्टाचार मुक्त कारभार, विद्यार्थी आणि प्राध्यापक हित लक्षात घेऊन वेळोवेळी आपला लढा कायम ठेवला आहे. विविध अधिकार मंडळांवर कुलगुरू नियुक्त सदस्यांची संख्या जास्त ठेवल्याने निवडणुकीत विषमता दिसत असल्याचे प्रा. पाटील यांनी सांगितले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com