Gag101_txt.txt

00967
पळसंबे: येथील कोल्हापूर पद्धतीच्या बंधाऱ्याचा पिलर पडल्याने रस्ता वाहतुकीसाठी बंद झाला आहे.

पळसंबे बंधाऱ्याचा पिलर पडल्याने अवजड वाहतूक बंद
गगनबावडा, ता.१० ः पळसंबे (ता. गगनबावडा) येथील कुंभी नदीवर कोल्हापूर पद्धतीच्या बंधाऱ्याचा पिलर पडल्याने अवजड वाहतुकीसाठी रस्ता बंद केला आहे. पळसंबे येथील रामलिंग तिर्थक्षेत्र असल्याने अनेक भाविक येतात. नाळेवाडी, चाफेवाडी, पेजलेकरवाडी, पळसंबे या वाड्या वस्तीमधील नवीन घर बांधणाऱ्या नागरिकाना वाहतूक करण्यास मोठी अडचण येणार आहे.पाटबंधारे विभागाने तातडीने दुरुस्ती करावी अशी मागणी होत आहे.

कोट
शासनाने व पाटबंधारे विभागाने तातडीने लक्ष घालून येथे उंच पूल बांधून नागरिकांना रस्ता पूर्वत करावा.
-वैशाली संदीप गावकर, सरपंच,
ग्रुप ग्रामपंचायत असळज, वेसरफ, पळसंबे

कोट
पावसाळ्यांनंतर पळसंबे येथील कोल्हापूर पद्धतीच्या बंधारा दुरुस्तीचा प्रस्ताव वरिष्ठ कार्यालयाकडे पाठविला आहे. व त्याचा पाठपुरावा करत आहे. कार्यकारी अभियंत्यांनीही बंधाऱ्याची पाहणी केली आहे.
- अजिंक्य पाटील, अभियंता, पाटबंधारे विभाग, कळे