पुण्यश्लोक अहिल्यादेवी होळकर

जिल्हाधिकाऱ्यांना
अहिल्यादेवी होळकर
यांची प्रतिमा भेट

कोल्हापूर, ता. ३० : जिल्ह्यातील शासकीय कार्यालयामध्ये पुण्यश्लोक अहिल्यादेवी होळकर यांची प्रतिमा नाही. या पार्श्वभूमीवर आणि पुण्यश्र्लोक अहिल्यादेवी होळकर यांच्या २९८ व्या जयंतीचे औचित्य साधून मल्हार सेनेच्या वतीने प्रत्येक कार्यालयामध्ये अहिल्यादेवी यांची प्रतिमा प्रदान करण्यात येणार आहे. प्रातिनिधिक स्वरूपात जिल्हाधिकारी राहुल रेखावर यांना आमदार ऋतुराज पाटील व मल्हार सेना सरसेनापती बबनराव रानगे यांच्या हस्ते अहिल्यादेवी यांची प्रतिमा भेट देण्यात आली. तसेच, सर्व शासकीय कार्यालयात लोकमाता पुण्यश्लोक अहिल्यादेवी होळकर यांची जयंतीदिनी पूजन होऊन त्यांच्या कार्याचा आदर्श घेऊन त्याचा प्रसार करावा. त्यांचा विचार आणि कर्तृत्व आत्मसात केल्यास सर्वसामान्य जनतेला निश्चित न्याय मिळेल, असे रानगे यांनी सांगितले. यावेळी वसंतराव मुळीक. डी जे भास्कर, राघु हजारे, छगन नांगरे, बाबुराव बोडके, बबलु फाले, दता बोडके, हेमंत बोडके उपस्थित होते.