अभय योजनेबाबत आज मार्गदर्शन शिबीर

अभय योजनेबाबत
आज मार्गदर्शन शिबिर
इचलकरंजी ः ज्या उद्योजक व व्यापारी यांची ‘व्हॅट’ व ‘जीएसटी’ची प्रकरणे प्रलंबित आहेत, त्यांच्यासाठी वस्तू व सेवा कर विभाग कोल्हापूर अंतर्गत अभय योजनेबाबत मार्गदर्शन शिबिर गुरुवारी (ता. १५) कोल्हापूर येथे आयोजित केले आहे. ज्या उद्योजक व व्यापारी यांची व्हॅट कायद्याखाली थकबाकी प्रलंबित आहे, अशा उद्योजक व व्यापारी यांना या शिबिरामध्ये मार्गदर्शन केले जाणार आहे. याचबरोबर जीएसटी योजनेबाबतही मार्गदर्शन केले जाणार आहे. उद्योजक व व्यापारी यांच्या या योजनेबाबत असणाऱ्या शंकांचे निरसन केले जाणार आहे. सकाळी अकरा वाजता वस्तू व सेवा कर भवन, कसबा बावडा रोड, कोल्हापूर येथे उपस्थित राहून या शिबिराचा लाभ घ्यावा, असे आवाहन केले आहे.