एक ठार सांगली आवृत्तीलाही घ्यावी

५६३७
५६३८

मृत घन:शाम पाटील

फोटो
निमशिरगाव (ता. शिरोळ) : येथे झालेल्या अपघातात चारचाकीचा चक्काचूर झाला.

मोटार झाडावर आदळून
बिसूरचा एक जण ठार

निमशिरगावजवळ अपघात; दोघे गंभीर जखमी

जयसिंगपूर, ता. १४ : कोल्हापूर-सांगली महामार्गावरील निमशिरगाव (ता. शिरोळ) येथील फाट्यावर चारचाकी झाडावर आदळून झालेल्या अपघातात एक जण ठार झाला. घन:शाम रामचंद्र पाटील (वय ४४, बिसूर, ता. मिरज, जि. सांगली) असे त्यांचे नाव आहे. प्रवीण पंडित पाटील (वय ३८, बिसूर, ता. मिरज) गंभीर जखमी झाले तर अमित बापू पाटील (वय ३७, बिसूर) किरकोळ जखमी झाले आहेत. हा अपघात बुधवारी पहाटेच्या सुमारास झाला. तिघेही एसटी महामंडळाचे नोकर होत.
याबाबत माहिती अशी, बिसूर येथून हे सर्व गोव्याला मित्राकडे भेटण्यास गेले होते. परत येत असताना बुधवारी पहाटे तीनच्या सुमारास कोल्हापूर-सांगली महामार्गावरून सांगलीकडे येत असताना निमशिरगाव येथील फाट्यावर झाडावर आदळून अपघात झाला. यात घन:शाम पाटील जागीच ठार झाले. जखमींना सांगली येथील सिव्हिल रुग्णालयात उपचारासाठी दाखल केले आहे. नंतर खासगी रुग्णालयात हलवण्यात आले. याबाबतची नोंद सांगली विश्रामबाग पोलिस ठाण्यात झाली आहे.