
09848
कोल्हापूर : उन्हाळी सुटीत लाखो भाविकांनी श्री महालक्ष्मी अन्नछत्रात भोजनप्रसादाचा लाभ घेतला.
साडेतीन लाखांहून अधिक भाविकांना
अन्नछत्राचा लाभ
उन्हाळी सुटीतील चित्र; प्रतिसादामुळे वाढविली वेळ
सकाळ वृत्तसेवा
कोल्हापूर, ता. १६ : करवीर निवासिनी श्री अंबाबाईचे उन्हाळी सुट्ट्यांमध्ये लाखो भाविकांनी दर्शन घेतले. या भाविकांनी दर्शन घेतल्यानंतर श्री महालक्ष्मी अन्नछत्र सेवा ट्रस्ट येथील मोफत भोजनप्रसादाचा लाभ घेतला. उन्हाळी सुटीमुळे अन्नछत्रात भाविकांची प्रचंड गर्दी झाली. साधारणपणे १५ मार्च ते १५ जून या काळात तीन लाखांहून अधिक भाविकांनी येथे भोजनप्रसादाचा लाभ घेतला. अत्यंत चविष्ट व सात्त्विक अशा भोजनप्रसादाचा लाभ घेऊन सर्व भाविक तृप्त होऊन समाधानाने परत गेले. भाविकांनी प्रसादाचे व येथील व्यवस्थेचे कौतुक केले.
कडक उन्हातही प्रसाद घेण्यासाठी अन्नछत्राच्या परिसरात भाविकांच्या रांगा लागलेल्या दिसून येत होत्या. त्यामुळे अन्नछत्राची वेळ दोन तासाने वाढविण्यात आली. श्री महालक्ष्मी अन्नछत्रच्या या सेवेसाठी संस्थापक अध्यक्ष राजू मेवेकरी यांच्या मार्गदर्शनाखाली ६० कर्मचारी व २५ स्वयंसेवक कार्यरत होते. यासाठी राजू मेवेकरी, संजय जोशी, राजेश सुगंधी, एस. के. कुलकर्णी, तन्मय मेवेकरी, सुनील खडके, ऋतुराज सरनोबत यांनी परिश्रम घेतले.
या काळात भोजनप्रसाद बनविण्यासाठी लागलेले साहित्य
- तांदूळ - ३५ हजार किलो
- तूर व मसूरडाळ - ५ हजार किलो
- खिरीचा गहू - ५ हजार ५०० किलो
- गूळ ७ हजार किलो
- तेल ७ हजार किलो
- मसाले ५ हजार किलो
- मिरची पूड दीड हजार किलो
- तूप ५०० किलो
- काजू व बेदाणे ३०० किलो
- भाजी १४ हजार ५०० किलो
- ताक २५ हजार लिटर
- इंधन (व्यावसायिक गॅस सिलिंडर) ३७५ नग
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.