टायर चोरी

टायर चोरीप्रकरणी
गड.च्या दोघांना अटक

संकेश्वर, ता. १८ ः आंतरराज्य चोरट्यांना संकेश्वर पोलिसांनी अटक करून त्यांच्याकडून अडीच लाखाचा ऐवज जप्त केला. याप्रकरणी संदीप सुरेश नाईक (जरळी ता. गडहिंग्लज) व बाळू बाबुराव कदम (शिंदेवाडी-गडहिंग्लज) या दोघांना अटक केली आहे. तर अन्य दोघेजण फरारी आहेत. माहिती अशी, शिवरुद्र बाबुराव आरबोळे (व्हनोळी ता. हुक्केरी) यांच्या ट्रॅक्टर ट्रॉलीचे १२ टायर चोरी झाले होते. पोलिसांनी शनिवारी (ता.१७) रोजी गडहिंग्लज क्रॅासवर नाईक व कदम या संशयितांना ताब्यात घेऊन चौकशी केली असता दोघांनीही चोरीची कबुली दिली. या प्रकरणातील दीपक सुरेश नाईक (जरळी, ता. गडहिग्लज) व अनिल कोंडीबा हुनचाळे (खमलट्टी, ता. गडहिग्लज) हे दोघे फरारी आहेत. या प्रकरणात ट्रॅक्टर ट्रॉलीचे सहा टायर अंदाजे किंमत ९० हजार व आणखी सहा टायर अंदाजे किंमत ६० हजार रूपये तसेच या प्रकरणात वापरलेली मोटार (एमएच ०२, एनए २७१०) किंमत ८० हजार असा अडीच लाखांचा मुद्देमाल जप्त केला.