त्वचारोग तज्ज्ञांच्या पदवीची पडताळणी करा

12667

कोल्हापूर ः येथे झालेल्या त्वचारोग तज्ज्ञांच्या परिषदेचे उद्‍घाटन डॉ. प्रमोद बागडे यांच्या हस्ते झाले.
-----------
त्वचारोग तज्ज्ञांच्या पदवीची पडताळणी करा
कोल्हापूरमधील परिषदेत आवाहन; विविध विषयांवर तज्ज्ञांचे मार्गदर्शन
इचलकरंजी ः सध्या सर्वत्र बनावट त्वचारोग तज्ज्ञ तसेच सौंदर्य तज्ज्ञ यांचे प्रमाण वाढत आहे. याबाबत नागरिकांनी सजग राहणे आवश्यक आहे. अशा तज्ज्ञांच्या पदवीची नागरिकांनी आवर्जून पडताळणी करावी, असे आवाहन कोल्हापूर त्वचारोग संघटनेच्या परिषदेमध्ये करण्यात आले.
कोल्हापूर येथील परिषदेला कोल्हापूर, इचलकरंजी, गडहिंग्लज, बेळगाव, कराड, सातारा, सांगली, रत्नागिरी व दापोली आदी परिसरांतील शंभरहून अधिक त्वचारोग तज्ज्ञ उपस्थित होते. परिषदेत तज्ज्ञांनी विविध विषयांवर मार्गदर्शन केले. यामध्ये केसाविषयी समस्या व त्यावरील आधुनिक उपचार पद्धती, व्हेरीकोज व्हेन्सवरील अत्याधुनिक उपचार, भूलशास्त्र वापरून केले जाणारे वेदनेवरील उपचार तसेच जखमांवरील उपचार पद्धती याबाबत मार्गदर्शन करण्यात आले. डॉक्टरांनी उत्पन्नाचे योग्य नियोजन कसे करावे, याबाबतही मार्गदर्शक सूचना केल्या. डॉ. प्रदीप कुमारी, डॉ. नितीन जैन, डॉ. अर्चिता पाटील, डॉ. आरती जाधव, डॉ. स्वेनिल शहा, डॉ. सुधीर कदम आदी तज्ज्ञांनी मार्गदर्शन केले. जिल्हाध्यक्ष डॉ. प्रमोद बागडे यांनी स्वागत केले. डॉ. अस्मिता ढबू यांनी आभार मानले.