फॅशन डिझायनिंग शिबिरात ३५० महिलांचा सहभाग

ich65.jpg
14403
इचलकरंजी ः ताराराणी पक्षाच्या महिला आघाडीतर्फे आयोजित फॅशन डिझायनिंग शिबीराचे उद्‌घाटन वैशाली आवाडे यांच्याहस्ते झाले.

फॅशन डिझायनिंग शिबिरात ३५० महिलांचा सहभाग
इचलकरंजी, ता. ६ ः ताराराणी पक्ष महिला आघाडीतर्फे घेतलेल्या फॅशन डिझायनिंग शिबीराला महिलांचा उदंड प्रतिसाद लाभला.
शिबीरात शहर व परिसरातील तब्बल ३५० महिलांनी सहभाग नोंदवला. शिबीराच्या माध्यमातून महिलांना विविध प्रकारच्या फॅशन डिझायनिंगचे प्रशिक्षण दिले. माजी खासदार कल्लाप्पाण्णा आवाडे यांच्या वाढदिवसानिमित्त हा उपक्रम राबवला.
महिलांच्या कलागुणांना वाव देऊन त्याचे अर्थार्जनात रुपांतर करुन त्यांना स्वावलंबी बनवण्याच्या उद्देशाने तीन दिवसीय शिबीराचे आयोजन केले होते. श्रीमंत ना. बा. घोरपडे नाट्यगृह येथे झालेल्या या शिबीराचे उद्‌घाटन महाराष्ट्र राज्य नागरी सहकारी बँक फेडरेशनच्या उपाध्यक्षा वैशाली आवाडे यांनी केले. कार्याध्यक्षा नजमा शेख, राजश्री आडगाणे, सचिव डॉ. रजनी शिंदे, सीमा कमते, शोभा घाडगे, अंजुम मुल्ला आदी उपस्थीत होते. प्रास्ताविक आघाडी अध्यक्षा उर्मिला गायकवाड यांनी केले. आभार उपाध्यक्षा जयश्री शेलार यांनी मानले. शिबीरात विविध फॅशन डिझायनिंगचे प्रशिक्षण शितल धस्के, सिध्दी धस्के व सन्मती मडके यांनी दिले.