आजरा ः वेळवट्टी तलाव भरला

वेळवट्टी तलाव भरला

आजरा ः वेळवट्टी (ता.आजरा) परिसरातील लक्ष्मी ओढ्यावर असणारा वेळवट्टी तलाव तुडुंब भरला आहे. या परिसरात गेले पाच - सहा दिवस सातत्याने पर्जन्यवृष्टी सुरु असल्याने तलाव मंगळवारी भरला. तलावाच्या सांडव्यातून पाण्याचा विसर्ग सुरु आहे. यामुळे छोटे- छोटे धबधबे तयार झाले आहेत. हा तलाव आजरा- आंबोली मार्गावर असल्याने पर्यटकांचे विशेष आकर्षण आहे. या तलावामुळे वेळवट्टी, देवर्डे, पेठेवाडी येथील शेतकऱ्यांच्या शेतीला पाण्याची सोय झाली आहे.